الشيف أسماء عرابى صانعة البهجة

الاحد 8 يناير 2017

15878993_10211733431959953_1500368448_nفازت شيف الحلويات أسماء عرابى، عضو جمعية الطهاه المصرين،  بالمركز الاول و بشهادة تقدير من الاتحاد الدولى للحلوانى والشكولاته والايس كريم، فى مسابقه الكيك ديزين التى اقيمت من ضمن فاعليات مهرجان الـ Cuisine 2016 الدولي الثالث  والذى اقيم فى شهر ديسمبر الماضى بعنوان مصر الحلوة – وقد فازت الشيف أسماء بالجائزة لتصنيعها تورتة على شكل تابوت توت عنخ آمون و التى بلغ طولها 100 سم، وكانت التورتة التى استغرق العمل بها 5 أيام، مصنوعة من شوكليت كيك أما الحشو كان شوكليت جناش وكروكان ونوتيلا، وتم تغطيتها بعجينة السكر والألوان الغذائية.  كان لنا هذا اللقاء مع الشيف اسماء.

تعرفى نفسك ازاى ؟
انا شيف حلواني بشتغل غربي و عندى شغل خاص بحبه  جدا وخصوصا الكيك ديكوريشن.

منذ متى بدأت العمل فى صنع الحلويات؟
منذ ثلاث سنوات.

ايه الحلويات اللى انتى بتحبيها؟ تاكليها مش تعمليها؟
تشيز كيك

15910331_10211733280956178_1221041693_nثلاثة نصائح  لنجاح وصفة عمل الحلوى؟
عند عمل اي نوع من الحلويات يجب تطبيق وصفات موثوق منها ومراعاة الدقة فى وزن المقادير واتباع الخطوات كما فى الوصفة تمتما  وضبط  حرارة الفرن وتسخينه قبل البدأ ب ١٠ دقائق وعند خبز الكيك بجب عدم فتح الفرن قبل مرور نصف المدة المحددة للوصفه.

ايه من ادوات او اجهزة المطبخ متقدريش تعيشى من غيره؟
Stand mixer )خلاط الحلويات( و الفرن طبعا

ايه الخامات المفضلة ليكى اللى بتحبى تستخدميها او تشتغلى بيها كتير؟
الفندان و والجم بيست اللي بعمل بيها الورد بتنشف اسرع من الفندان.

15909638_10211734577988603_143465810_nانتى بتعمليهم ولا بتشتريها جاهزة؟
لا بشتريها هي متوفره كتير وانا اللي بلونها.

ايه اكتر حاجة بتحبيها فى شغلك؟
بحب ف شغلى انه دايما فيه جديد وبحب الالوان.

ايه الحاجة اللى بتضايقك منه؟
بحب شغلى اوى و مفيش حاجه بتضايقنى منه.

مين شغله أصعب الشيف العادى ولا شيف الحلويات؟ وايه الفرق بينهم؟
شيف الحلواني شغله أصعب. الفرق ان شيف الحلواني لازم يلتزم بالريسبي (الوصفة) ويكون دقيف فى اتباع خطوات العمل لكن الشيف العادي يقدر يزود او يقلل اويبدل حاجه فى الوصفة ويظبط الطعم  زي مايحب.

مين الشيف اللى تحبى تشتغلى معاه؟
نفسي اشتغل مع شيف نيرمين هنو.

15909129_10211733315757048_119412683_oهل لو عرض عليكى شغل فى فندق كبير حتقبلى ولا حتختارى برضو شغلك الخاص؟
اتعرض عليا شغل فى اكتر من فندق بس افضل شغلى الخاص

ازاى بتابعى الجديد فى مجال الحلويات؟ و بتجيبى افكارك منين؟
بتابع الجديد من خلال الانترنت واليوتيوب

15878787_10211736507876849_1309924716_n
الشيف اسماء مع الشيف جينارو و الشيف تامر

مين الشيف العالمى الى بتحبى تتابعى شغله او شغلها؟
الشيف جينارو فيليب و الشيف تامر محمد زين. الاثنين ايطاليين، الشيف  تامر مصرى ايطالى

كيف تحافظين على جودة انتاجك؟
بحافظ على جوده المنتجات باستخدامي افضل الخامات

ايه النصيحة اللى تقدميها لواحدة ترغب انها تدخل هذا المجال؟
النصيحه ان اي حد يبدأ ف شغل الكيك يهتم بالتيست (الطعم) بتاع الشغل مش الشكل وبس،  وكل مابنستخدم خامات عاليه الجوده المنتج هايكون افضل

ايه الفكرة الخطأ اللى بتحسى الناس واخداها عن شغلك؟
الناس فاكره ان شغل الحلوانى هو مجرد خلط دقيق وبيض وسكر وخلاص، ماحدش بيعرف ان الموضوع ده بياخد وقت ومجهود كبير وأن أقل غلطة ممكن تضيع اللي عملناه.

15910014_10211733333997504_1879156373_nايه الحاجة اللى عملتيها و فخورة بها جدا؟
أكتر حاجة عملتها وفخورة بيها باسكت الورد،  وازاي الناس كانت بتعدي من جنبه و فاكرينه ورد طبيعي،  وازاى كان رد فعلهم لما عرفوا انه سكر وعلشان يتأكدو كان لازم يكسرو جزء من الورده و ياكلوها.

هل الدراسة فى المعهد افادتك فى شغلك عن لو كنتى ابتديتى الشغل من غير دراسة؟
انا فى الاول ابتديت من غير دراسة،  وطبعا حسيت بفرق كتيربعد الدراسة،  بقيت فاهمه اكتر وعندي معلومات كتير فادتني.

هل دراستك كانت حلويات فقط؟
أنا التحقت بالمركز علشان ادرس حلويات بس الكورسات المتوفرة كانت لفنون الطهى عامة مش للحلويات، مفيش فى مصر اماكن معتمدة متخصصة للحلويات. اهتمامهم فى المركز اكتر بالمطبخ السخن. بس طبعا استفدت كتير من الكورسات اللى درستها، و بقى معايا شهاده اشتغل بيها فى اي مكان فى مصر.

كل الناس بتفتكر انى اتعلمت الكيك و الديكوريشن فى المركز، بس انا اتعلمت صناعة الحلويات مع نفسى، و مع الشغل ابتديت اطور فى عمل الكيك، وبشوف فيديوهات على اليوتيوب كتير وابدأ انفذ اللي بتعلمه. انا باعرف اعمل كل حاجة، مطبخ سخن و حلويات.

74022-%d8%a8%d8%a7%d8%b3%d9%83%d8%aa-%d9%88%d8%b1%d8%af-%d9%83%d8%a7%d9%85%d9%84-%d9%85%d9%86-%d8%b9%d8%ac%d9%8a%d9%86%d8%a9-%d8%a7%d9%84%d8%b3%d9%83%d8%b1

يعنى انتى علمتى نفسك تعملى الورد ده؟
لا اتعلمت الوردة البلدي من واحده صاحبتي وبعد كده انا بدأت اعمل باقى انواع الورد.

15910017_10211733316157058_817939236_n
زهور من عجينة السكر من تصميم شيف اسماء

99221-%d8%a8%d9%88%d9%83%d9%8a%d9%87-%d9%83%d8%a7%d9%85%d9%84-%d9%85%d9%86-%d8%a7%d9%84%d8%b3%d9%83%d8%b1

مين اكتر حد بيشجعك فى شغلك؟ زوجى محمد

لو مكنتيش شيف حلويات كنتى تحبى تعملى ايه تانى؟
كنت أحب أدرس فاشون ديزاين.

ايه الحلويات اللى انتى شايفه انك بقيتى متخصصة فيها جدا؟
الكيك أكترحاجه بقيت متخصصة فيها،  وصناعة الورد من عجينة السكر.

ايه اكتر حاجة الناس بتطلبها منك؟
كيك عيد الميلاد والكب كيك والكوكيز.

ايه طموحاتك و اهدافك فى المستقبل؟ شايفة نفسك فين بعد خمس سنين؟
طموحي ان شاء الله اني اشارك ف مسابقات انترناشيونال واني اسافر واتعلم أكتر ف مجال الكيك ديزاين و ديكوريشين.

لمتابعة المزيد من اعمال الشيف أسماء عرابى زوروا صفحتها La Bella Torta على فيس بوك

One comment

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s