ميرفت رجب صانعة العرائس الأميجورومي

الأحد ٤ يونيو ٢٠١٧

13600098_10153825096823990_8319044500401417141_n

18835574_1429430090429014_870715892922193952_nبدأت ميرفت رجب مشروعها لتصنيع العرائس منذ ثلاثة سنوات، بعد إكتشافها فن الأميجورومي ، وهو فن ياباني لصناعه العرائس الكروشيه المحشوة. أبهرها هذا الفن جدا مما دفعها لمعرفة المزيد عنه وتعلمه. ميرفت والتي تعمل مدرسة للدراسات الاجتماعية بأحد المدارس في الإسكندرية تعلمت الكروشيه منذ ان كانت في الحادية عشر من عمرها، ولكن بالرغم من ذلك فإن تنفيذ العرائس الأميجورومي كان بمثابة تحدي لها، لدقتها الشديدة، وكان هذا التحدي هو ما حفزها علي تعلمه وتنفيذ عرائس كالتي تري صورها في المجلات وعلى الانترنت. ميرفت الي جانب عملها كمدرسة وتصنيعها للعرائس، فهي أيضا تحضر الماجستير في التربية.

18767438_1429427547095935_4331295310044894879_n

18834452_10154823436433990_1400531012_nكيف تعلمتي تصنيع العرائس؟
في البداية استخدمت باترونات من الصين عبارة عن مجلات مصورة موجودة على الانترنت ثم بعدها بدأت اكتشف ان فيه فيديوهات على اليوتيوب وان فيه باترونات يمكن شرائها لعمل نماذج مختلفة من الاميجرومى – اى حد بيشتغل كروشيه ممكن ينفذ نماذج الاميجرومى، لكن لابد وانه ينظر له على انه فن فبالتالي يضع لمسات غنية وده بيبان في اختيار الألوان وتناسقها وتركيب الأجزاء ..الخ

كيف جاء قرار تصنيع العرائس كمصدر للدخل لك؟
في البداية شجعني زوجي انى انفذ العرائس واهادى بيها الاهل والأصدقاء، وبعدها لاقيت تشجيع من زملائي في العمل انى انفذ حاجات صغيرة وابتدى ابيعها، وبعدها دخلت معرض وعملت صفحة على الفيس بوك ولاقيت ان فيه اقبال واعجاب من الناس خاصة انه كان حاجة جديدة مش منتشرة زى دلوقتى.

كيف تصممين العرائس؟
فيه بعض العرائس بتكون تنفيذ لباترونات جاهزة وفي عرائس كتير من تصميمى أنا.

18945016_10154842638028990_1123193415_nبتجيبي افكارك منين؟
من الانترنت، من صور من مجلات الكترونية، واحيانا  بتبقى من عندى انا

ايه اكتر عروسة عملتيها وكانت قريبة من قلبك؟
اول عروسة عملتها وكنت بفكر ازاى هنفذها، وكانت صعبة بالنسبة ليه شوية لانى كنت لسه بادية في الاميجرومى

كم من الوقت تحتاج العروسة لتصنيعها؟
العروسة ممكن تأخد من ١٠ أيام الي إسبوعين علي حسب تفاصيلها، و اذا كان معايا شغل تاني ولا لأ، خاصة انى مش متفرغة لهذا العمل.

إيه مقاس أكبرعروسة عملتيها؟ وكانت ايه لو تفتكري؟
اكبر عروسة نفذتها كان طولها ٦٠ سم وكانت هدية عيد ميلاد،  العروسة كانت لابسه بشراب مخطط ولابسه بيريه وشعرها قصير

هل في عرائس الطلب عليها بيكون مكرر؟
أحيانا فيه عرايس بتطلب اكثر من مرة

18816091_10154823442798990_594969306_nهل في عرائس حسيتي بعد لما خلصتيها إنك حبيبتيها اوي وإتعلقتي بيها وصعبان عليكي فراقها؟
اه مش حأبالغ لو قولتلك بيحصل معايا ده كل مرة لكن فيه دبدوبة حبيبتها جدا بعد ما نفذتها وكنت مش عايزة اسلمها لصاحبتها

بتستخدمي ايه خامات لتصنيع العرائس وبتحشيهم ايه؟ وايه أكتر خامة بتحبي تشتغلي بيها؟
باستخدم خيوط من خامات مختلفة قطن واكريلك وصوف والحشو بيكون فيبر وأكثر خامة بحبها خيوط القطن لانه بيكون سهل في الشغل وبيعطى نتائج جميلة

هل كنتي تعرفي حد تاني بيعمل عرايس قبل ما تبتدي مشروعك؟
اول ما ابتديت مكنتش اعرف حد خالص ولكن حاليا عدد كبير جدا من الناس اعرفهم بيعملوا العرايس

هل عرائسك بتباع في معارض ومحلات ولا بس علي فيس بوك؟
عن طريق المعارض وعن طريق صفحتى على الفيس بوك

18788691_10154823442593990_2132301026_n

هل عندك فريق عمل لمساعدك ولا انتي بتقومي بالشغل كله لوحدك؟
لا لازلت اعمل لوحدى ولكن من احلامى ان يكون معى فريق عمل

18834498_10154823437403990_330397761_nإوصفي عرائسك في جملة واحدة.
ابنائى الأعزاء

ايه اكتر مرحلة في عمليه تصنيع العروسة بتستمتعي بيها جدا؟
مرحلة النهاية علشان بيبان الشكل النهائي للقطعة وبحس انى متشوقة اشوف شكلها هيكون ازاى

بتشتغلي كام يوم في الأسبوع وكام ساعة في اليوم؟
حسب القطعة، اذا كانت طلب خاص بخصص لها وقت يومي، اما لو كانت مجرد تنفيذ شغل خاص ليا،  فبشتغل فيها براحتى في وقت فراغي و أيام الاجازات.

هل في فترات بيزيد فيها الطلب علي العرائس عن باقي الايام؟
في فترات الاجازات بيبقى الاقبال على العرايس اكبر

بماذا تنصحين أي حد يفكر انه يدخل المجال ده او بالفعل يصنع العرائس؟
انصحه بانه يتدرب كتير وانه يعرف ان هذا المجال فن فبالتالي لابد من التدقيق في الاختيارات ومحاولة الاستمتاع بتنفيذ القطع، و عدم الاستعجال في التنفيذ،  والتسويق بياخد وقت فلابد من الصبر والمحاولة وعدم الياس.

ايه معني V2
ده اسم الدلع بتاعى في الاسرة فيتو وكان اختيار من زوجى وأشار عليه اننا نكتبه بالشكل ده بدل ما نكتب الكلمة كلها.

18788771_10154823446018990_2108613376_n

للاطلاع علي المزيد من عرائس ميرفت رجب، يمكنكم زيارة صفحتها علي الفيس بوك

إذا أعجبتك هذه المقالة،  أشترك في المجلة لتصلك مقالاتنا في بريدك الالكتروني **

 

أضف تعليق