شروق إبراهيم تركت مهنة المحاسبة لتصبح فاشونيستا

الإثنين ١٣ نوفمبر ٢٠١٧

23361177_1570675656360209_329188859_n

تخرجت شروق إبراهيم من كلية التجارة قسم اللغة الإنجليزية – جامعة الزقازيق، ولأنها كانت شغوفة بمجال الفاشون والموضة منذ طفولتها، فقد تنامى هذا الشغف خلال مراهقتها، ولصعوبة إيجاد الملابس المناسبة لها، كانت تشتري الملابس وتقوم بضبط مقاساتها، ومع مرور الوقت بدأت في تصميم الموديلات لنفسها.

22449595_1720672048004895_5109876154540130510_nولتميز موديلات ملابسها من حيث التصميمات والألوان، أطلق زملائها عليها «الفاشونيستا». وقضت فترة الجامعة في تنمية موهبتها وصقل هوايتها بمتابعة آخر صيحات الموضة، ولكن بعد التخرج لم ترغب في الالتحاق بعمل محاسبي مثل زملائها، بل قررت ان تتحدي الخوف بداخلها وتصبح مصممة أزياء.

في رأيها، المرأة لا تحتاج إلى مواصفات خاصة في مظهرها وجسمها لتظهر جذابة، ولكنها تحتاج فقط بعض اللمسات البسيطة والخيارات المناسبة في تصاميمها. على الرغم من أن تجربتها في مجال عالم الموضة لازالت جديدة، الا انها صممت مجموعة متنوعة من الأزياء مختلفة التي تناسب جميع المقاسات.

وكانت لنا هذا اللقاء مع شروق إبراهيم لتحكي عن رحلتها من المحاسبة الي عالم الموضة

23318633_1747085572030209_1173270386_nس م: كيف أخدتي القرار تغيير وظيفتك من محاسبة لتصميم أزياء؟
ش ا: القرار مكنش سهل، بس لأني جربت شغل المحاسبة أثناء الدراسة، لقيت ان مش دي المهنة اللي عاوزه اشتغلها بعد ما اتخرج، علشان كده قررت اول ما تخرجت أنى ادرس تصميم الأزياء.

س م: هل كان موضوع تصميم الازياء بشكل احترافي في تفكيرك وانت بتصممي ازياءك ولا تصميم ازياءك حتى المرحلة دي كان هواية بس؟
ش أ: انا مكنش في بالي أبدا أنى أدخل مجال تصميم الأزياء، بس تشجيع اهلي وقرايبي وأصحابي هوا اللي خلاني اخد الخطوة دي، بس لما بدأت ادرس تصميم الأزياء، أصبح هدفي اني ابقي مصممة أزياء محترفة.

س م: هل كان من السهل إقناع أهلك بانك تتركي شهادتك الجامعية وعملك كمحاسبة وتغامري في مجال الأزياء؟
ش ا: ولا والدي ولا والدتي اعترضوا أنى أدخل الكاريير ده، بل بالعكس هم اللي شجعوني أنى أدرس تصميم الأزياء ولغاية دلوقتي بيشجعوني ويدعموني في كل خطوة ليا.

س م: إتعلمتي تصميم الازياء فين؟
ش ا: اولا بدأت اونلاين وبعدين درست التصميم في اكاديمية Creative Group

23031328_1564864790274629_7736970814574174376_n

س م: مين من مصممين الازياء اللي بتحبي موديلاتهم وبيلهموكي في شغلك؟
ش ا: كتير جدا طبعا بس المصمم المفضل بالنسبة لي هو إيللي صعب، ومن المصممين العالميين باولو سباستيان وأزياء شانيل وكريستيان ديور.

س م: بتستوحي تصميماتك من فين؟
ش ا: مصادر كتير ممكن استوحي منها وعلى حسب الحالة اللي بكون فيها

23365076_1747085632030203_1405733000_nس م: احكي لنا عن تصميماتك؟
ش ا: انا لسه منزلتش كولكشن كامل، ولكن قمت بتصميم قطع ملابس daywear designs وان شاء الله اول كولكشن كامل ليا هينزل في صيف ٢٠١٧  وحيكون مجموعة هوت كوتور، وان شاء الله طريقة عرضه و تقديمه للناس حتكون بشكل مختلف عن المعروف.

س م: ايه الالوان والخامات اللي بتفضليها وبتحبي تستخدميها؟
ش ا: مفيش ألوان محدده، بفضل استخدم كل الالوان لان كل لون بيعبر عن حاجة، واستخدام الالوان بيكون على حسب مصدر الالهام بتاعي اللي بأصمم على أساسه الموديل، كذلك بفضل أنى استخدم كل انواع الاقمشة.

س م: فين بتسوقي انتاجك؟
ش ا: لغاية دلوقتي عن طريق الـ social media وحاليا بدأت بتجهيز الآتيليه الخاص بي.

23364785_1747085602030206_1966911122_nس م: هل تصميماتك انت بتنفيذها كلها بنفسك ولا في فريق عمل معاكي؟
ش ا: لا بنفذه بنفسي كله. انا اللي بعمل الديزاين من اول رسم الباترون للتنفيذ، مش با استعين بحد لغاية دلوقتي، بس اكيد ف المستقبل ان شاء الله حاحتاج ناس معايا تساعدني.

س م: إيه رأيك في الطفرة اللي حصلت في السوق المصري بالنسبة لتصميم الملابس؟
ش ا: آخر ٣ سنين حصل تغير كبير في السوق المصري وفي الأذواق عامة، وظهر مصممين ازياء في الفترة دي بشكل كبير ودي حاجه كويسة جدا، ساهمت في تغير وتنوع الاذواق في السوق.

س م: كمصممة ازياء جديدة في السوق، ايه التحديات اللي بتواجهك وايه التحديات اللي سوق الازياء بيواجهها؟
ش ا: زيادة سعر الدولار أثر بشكل كبير جدا في اسعار الخامات وكمان في عدم توفر كل الخامات المطلوبة في مجال التصميم من أدوات وخامات وإكسسوار، وده بيخلي المصمم انه يلجئ لخامات أقل جوده عشان تناسب اسعار شريحة كبيره من الناس.

23434932_1752218048183628_2382580438571102539_n

 تابعوا المزيد من تصميمات وإبتكارات شروق إبراهيم علي حسابها علي الأنستجرام

**إذا أعجبتك هذه المقالة، أشترك في المجلة لتصلك مقالاتنا في بريدك الالكتروني 

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s